GIPAGAWAS kaniadtong Biyernes, Hulyo 3, 2026 ni Gobernador Erico Aris Aumentado ang Executive Order No. 28, Series of 2026.
Pinaagi niini nga mando, temporaryong gidili ang pagsulod sa mga buhing baboy, karne sa baboy, ug tanang matang sa produkto nga gikan sa baboy gikan sa tibuok Negros Island — lakip ang Negros Oriental ug Negros Occidental — sulod sa 60 ka adlaw.
Gihimo kini nga dinalian nga lakang aron mapanalipdan ang probinsya sa Bohol ug mapugngan ang posibleng pagsulod ug pagkaylap sa sakit nga African Swine Fever (ASF).
Nahitabo kini human makumpirma ang mga kaso sa maong sakit sa maong silingang isla.
Nanawagan usab ang Gobernador sa hingpit nga kooperasyon sa tanang lungsuranon, negosyante, ug mga awtoridad aron magpabiling luwas ug lig-on ang industriya sa pagpamaboy sa tibuok Bohol. (RTB)
