GIHANGYO sa mga sakop sa League of Municipalities of the Phils (LMP) Bohol ang Department of Social Welfare and Development (DSWD) nga dili langanon ang pag release sa cash relief assistance para sa mga tricycle driver.
Si Mayor Hilario Ayuban sa Loay kinsa mao ang executive VP sa LMP-Bohol mi-ingon nga kon mahimo dili langanon sa ahensya ang payout aron magamit dayon kini sa mga tricycle driver nga apektado sa nagpadayon saka sa presyo sa Gasolina.
Ang hangyo ni Ayuban gidasonan usab sa mga kaubanang mayor. Matud sa ubang Mayor nga hagbay ra nimahal ang gasolina apan dugay ang tabang sa gobyerno.
Sa nakalabay nga adlaw mao kini ang gipahibawo ni DSWD Assistant Regional Director Jiah Sayson atol sa tigum nga gipatawag ni Aris Aumentado sa Kapitolyo, uban sa mga mayor sa nagkadaiyang lungsod.
Ang maong lakang kabahin sa implementasyon sa Executive Order No. 110 nga gipagawas ni Ferdinand Marcos Jr.
Matud ni Sayson, ang mga tricycle driver sa Tagbilaran City maoy unang nakabenepisyo sa programa, diin matag usa kanila makadawat og cash assistance nga nagkantidad og ₱5,000.
Matud ni Sayson nga ang schedule sa payout sa Tagbilaran karong umaabot April 8. Samtang isunod usab ang mga lungsod nga naka submit sa mga pangalan sa mga lihitimong tricycle drivers.
Gawas sa tricycle driver matud ni Sayson nga isunod usab og hatag sa cash aid ang ubang mga PUV drivers.
ABRIL 8 SA TAGBILARAN CITY
Gikatakda nga sugdan na sa Department of Social Welfare and Development (DSWD) ang pagpanghatag og cash relief assistance ngadto sa mga tricycle driver sa probinsya sa Bohol.
Kini ang gipahibawo ni DSWD Assistant Regional Director Jiah Sayson atol sa tigum nga gipatawag ni Aris Aumentado sa Kapitolyo, uban sa mga mayor sa nagkadaiyang lungsod. Ang maong lakang kabahin sa implementasyon sa Executive Order No. 110 nga gipagawas ni Ferdinand Marcos Jr..
Matud ni Sayson, ang mga tricycle driver sa Tagbilaran City maoy unang nakabenepisyo sa programa, diin matag usa kanila makadawat og cash assistance nga nagkantidad og ₱5,000.
Matud ni Sayson nga ang schedule sa payout sa Tagbilaran karong umaabot April 8. Samtang isunod usab ang mga lungsod nga naka submit sa mga pangalan sa mga lihitimong tricycle drivers.
Gawas sa tricycle driver matud ni Sayson nga isunod usab og hatag sa cash aid ang ubang mga PUV drivers.
Gilauman nga sunod nga mapahimuslan ang maong ayuda ang ubang tricycle drivers sa nagkadaiyang lungsod sa Bohol isip kabahin sa padayon nga paningkamot sa gobyerno sa pagtabang sa sektor sa transportasyon nga naapektuhan sa nagkataas nga presyo sa petrolyo ug panginahanglanon. (RTB)
