VALENCIA, Bohol – Nakab-ot sa estudyante sa Valencia Central Elementary School ang dakong kadaugan homan makuha ang First Place sa Science and Tech Writing atol sa Regional Schools Press Conference.
Ang nakadaog mao si Akimi M. Salem, nga nagrepresentar sa eskwelahan uban sa giya sa iyang coach nga si Nemia C. Bagoltol ug trainer nga si Celeste Edusma. Tungod sa maong kadaugan, andam na usab si Salem nga morepresentar sa rehiyon alang sa umaabot nga National Schools Press Conference.
Ang kalampusan sa estudyante giila nga bunga sa dedikasyon sa mga magtutudlo ug sa suporta sa administrasyon sa eskwelahan ubos sa pagpangulo ni School Principal Ma’am Nida Salise sa Valencia Central Elementary School.
Dako usab ang pasalamat sa komunidad sa padayon nga suporta sa lokal nga panggamhanan ubos sa liderato ni Neil Balite, mayor sa Valencia, Bohol, nga kanunay nagpalig-on sa mga programa alang sa edukasyon ug sa pagpalambo sa talento sa kabatan-onan sa lungsod.
Nagpaabot ang komunidad sa Valencia og dugang kalampusan alang kang Salem sa national level.
Congratulations ug padayon nga paglambo sa atong kabatan-onan!
Sa kanunay, Barug Valencia!
