NAGSUGOD na og pang-gawas ang mga “tarong” kunohay nga mga batan-ong estudyante nga hilabihan ka maayo mo-batikos sa mga Duterte, labi na kang Inday Sara, nga kuno corrupt, ug di kasaligan nga maoy modumala sa nasod.
Bola-bola lang ang baba oi, mora pod og korek, hehehe.
Luoy intawon ang ilang mga ginikanan nga nagtuo nga nagtinarong sa ilang pag-eskuyla ang ilang mga anak kay mona-mona baya nilang paningkamot nga maka-kwarta ug maka-padala og para allowance, tuition ug uban pang mga gastos unya diay to, tua nag-apil-apil og yawyaw pamolitika, nakalimtan na intawon ang pag-eskuyla.
Buyno, kabahin man sa demokrasya ang pagtagaw-taw ug apil usab kini sa atong tawhanong katungod pero kon gamiton ang oras sa klase aron lang maka-tagawtaw sa pamolitika, di na pod na husto.
Kon gusto sila nga mo-apil sa pamolitika, ila pod na nga katungod pero seguroon nila nga di madaot ang ilang pag-eskuyla, nga dili matabla ang mga gastos sa ilang ginikanan tungod lang kay nadani sila sa sug-sog sa mga walhonon ug dila ug hunahuna.
Kini ra bang mga walhonon, kusog kaayo mobatikos sa mga Duterte nga nakalapas sa ilang mga tawhanong katungod pero hilom ug way reklamo sa mga gipanghimo sa mga NPA nga mang-recruit ug mga batan-on, labi na tong mga menor de edad, aron paapilon sa ilang gubat sa kagamhanan.
Kusog molampaso kunohay sa mga Duterte sa pangurakot pero hilom ug tak-om ra ang mga baba kon kabahin na sa mga multo nga mga flood control projects sa administrasyon ni BBM nga binilyon ang natabla niini.
Tiaw bay perteng bola-bola sa ilang mga baba sa matod pa 150 million nga confidential funds ni Inday Sara pero way yawyaw ug way reklamo sa mga biniyon ka pesos nga nabingwit sa mga alipores ni BBM, ug hasta si BBM mismo, sumala pa ni Cong. Leviste.
* * *
While on the topic of corruption, asa na man tong krusada sa Bohol batok sa corruption?
Unsa na man ang ilang gihimo karon human adtong ilang gihimo nga programa sa plaza mga pila na ka bulan ang milabay?
Duna bay follow-up nga mga kalihokan aron matagad ug masumpo ang mga pangurakot nga nahitabo dili lang sa Bohol kondili sa tibuok nasod?
If you recall, I made it a point in this column to make an example of that amazing and selfless act of City Vice Mayor Adam Jala to waive his bank secrecy rights in public. This was coupled with a promise of full cooperation in case of a lifestyle check.
That was a very good start. And very worthy of emulation para sa mga limpyo ug nagtinarong nga mga public officials.
Makita sa gihimo ni VMayor Jala nga wa siyay kukahadlok nga bulikaton ang mga records aron pagsuta kon duna ba siyay gitagoan nga mga bukog sa pangurakot, tungod kay sa iyang pagtuo, limpyo siya og way gihimong binuang sa kwarta sa katawhan.
I even met, one time, a leading convenor of the Bohol Crusade Against Corruption in one of the coffee shops in the city and made my case, about how to improve their cause, about some recommendations and suggestions and presented the example set by VMayor Adam Jala as a prime model for Bohol public officials to follow.
But so far, hilom pa mas awaaw, wa may timik, mora’g nabungol man tong akong gi-estoryahan bahin niini.
Joke-joke ra tong giplano buhaton sa Bohol Crusade Against Corruption?
Ngutana lang.
* * *
One source told me he and many other firemen all over the country are not happy with the record and performance of their boss, DILG Secretary Jonvic Remulla.
Pala-away man nang tawhana na, nalukop man lang na siya og pangaway namo sa BFP Sir, he said.
He volunteered this info when there was talk about possible BBM boys or girls to run for president in 2028.
Susko og modayon og lansad nas Jonvic, pakit-on gyod namo na siya og kanang mobaws mi niya, pildihon gyod namo na siya, mor pa, he added.
How about that yarn that Riza Hontiveros will easily win here in Bohol as president in the 2028 elections, I asked him.
Aguy, dis-a man intawon na sila kakuha anang hunahunaa, kanus-a god intawon nas Riza nahimong popular dinhis Bohol, klaro baya kaayo nga Duterte country ning Bohol, unsaon kaha niya pagdaog batok ni Inday Sara noh, he replied.
* * *
One Mayor told me recently he was apprehensive about the 2028 elections.
I asked why and he said, asa kaha ko og puhunan sa kampanya rong sunod piniliay.
Sa miaging piniliay god, sayon ra kaayo akong kadaogan kay nagsalig man lang ko sa suporta sa akong mga ginikanan nga maoy migasto sa akong kampanya, bisan pa og wa malipay akong mga igsoon.
How do you know nga wa malipay imong mga igsoon nga na-mayor man unta ka, I querried.
Klaro man kaayo kay tiaw bay milyon-milyon gigamit sa akong mga ginikanan alang sa akong kampanya unya kadtong mga kwartaha kay magamit na man unta to kaayo sa among negosyo pero gigugol gyod tanan sa akong mga ginikanan para lang modaog ko.
Ako ra ug ang akong kampanya ang nabulahan sa maong mga milyon-milyon nga kwarta unya karon nga na-mayor na ko, wa pod mauli ang kwarta nga maoy puhunan sa akong kampanya kay pila ra may sweldo ug kikik sa mga mayor karon, gamay ra baya, he added with a smile.
So why are you apprehensive nga naa man diay nang imong mga ginikanan, pasabot segurado ra gihapon ang imong pang-kampanya ana, I asked?
Layo pa baya ang 2028 elections, he premised, unya wa ta kahibaw sa mga panghitabo, tigulang na akong mga ginikanan unya mosugot kaha ang akong mga igsoon nga gamiton ang kwarta common o kwarta sa pamilya aron lang ko modaog og balik pagka-mayor nga wa man gyod na sila mabahini o matigayon sa akong pagka-mayor. Duna baya pod na silay mga pamilya ug mga kagastohan unya imbes magamit sab nila, dili na lang kay ari na man lang nako gamiton, he explained.
Husto pod, I commented.
Ang maayo nimo buhaton, pangita daan og kwarta karon, ayaw na pagsalig sa imong mga ginikanan kay unfair baya pod sa imong mga igsoon nga sariling pamolitika nimo apilon nimo sila og pa-gasto, I said.
