GIBUTYAG sa tinugyanan sa Richli Waters Inc. nga ilang target ang buwan sa Marso-Abril 2026 nga mahuman ang Rapid Sand Filtration nga nagtrabaho sa Water Treatment Plant-Cortes.
Kini arun mo-bintaha na ang supply sa tubig sa mga lugar nga dili pa stable ang agas.
Kahinumduman nga dunay mga pipila ang nipasupot sa ilang reklamo gumikan sa walay agas sa tubig sa Dauis-Panglao area.
Gipakisusi kini sa sakop sa media mismo ngadto sa ilang buhatan arun mahatagan og katin-awan.
“As of now, nag supply ta og total 10,000 cubic meter sa all areas of distribution.”
“However, naa pay ubang area like Upper Songculan o ubang area nga Dili pa gyud stable ang agas.”
“Target Nato is by March-April 2026 Kon mahuman na ang RSF3 nga nagtrabaho sa WTP Cortes, hopefully mo-improve na ang supply,” pamahayag pa ni Ms. Pamela Joy Llano, Head sa Customer Service Section sa Richli Waters Inc. (Kahlil Lester O. Camba)
