DUHA ka mga Lithuanian national nangaangol human ang motorsiklo nga ilang gisakyan aksidenteng nibangga sa gisundan nga motorsiklo nga may sidecar duol sa intersection nga porsiyon sa Totolan-Songculan Road, sa nasudnong dalan didto sa Purok 6 Brgy. Totolan, Dauis, Bohol pasado alas 2 sa hapon niadtong Nobiyembre 12.
Mga biktima giila nga sils si Bielskis Aurimas, 28 anyos, Lithuanian Citizen, residente sa Hinties G. Vilnius 09220 Lithuania, temporaryong nag- estar sa Pyramid Resort sa Alona, Tawala, Panglao, Bohol, ug backrider Lina Bielske, hingkod, totaga Hinties G. Vilnius 09220 Lithuania, kasamtangang nagpuyo sa Pyramid Resort in Alona, Tawala, Panglao, Bohol.
Sa inisyal nga pakisusi sa kapolisan nasuta nga ang duha ka pulos nagdagan sa samang direksiyon padung sa Brgy Songculan, Dauis ang nalambigit nga mga sakyanan.
Diin sa pag-abot sa may intersection nga bahin sa Totolan-Songculan Road, ang Kawasaki nga motorsiklo nga may sidecar nga may plaka GE 76635 gimanehoan ni Angelo Mariman y Cabulao, 22, taga Brgy Mahayag, Dagohoy, Bohol ug kasamtangang nagpuyo sa Brgy. Totolan, Dauis, Bohol.
Dihang pag-abot sa maong dapit, ni- right turn. Apan kalit nga gibanggaan sa usa ka Honda ADV nga motorsiklo nga may plate number E106GS, gisakyan sa maong mga langyaw.
Hinungdan nga na- kras kini ug pulos nangalagpot ang mga biktima sa konkretong karsada ug susamang nangaangol.
Daling gidala sa usa ka tambalanan sa siyudad sa Tagbilaran ang maong biktima (RTB)
