NABALAKA ang mga otoridad sa lalawigan human matala ang pinakabatang kaso sa teenage pregnancy sa Bohol: usa ka 10-anyos nga batang babaye, nga karon ginatabangan ug giatiman sa Provincial Social Welfare and Development Office (PSWDO).
Sumala sa Philippine Statistics Authority (PSA) ug 2023 National Demographic and Health Survey (NDHS), 5.4% sa mga dalagita edad 15-19 sa tibuok Pilipinas ang nakasinati og pagpamabdos nagpasabot nga usa sa matag 20 ka dalagita ang mahimong mabuntis.
Apan ang kaso sa Bohol nga naglakip og 10 anyos, gipasukad nga usa ka seryoso ug ekstraordinaryo nga kaso sa early sexual abuse.
Gisiguro sa mga otoridad nga anaay koordinasyon sa PNP, DSWD, ug health services aron matino ang responsable ug matabangan ang biktima pinaagi sa psychosocial counseling ug proteksyon.
Gipanawagan karon sa Provincial Health Office (PHO), DepEd, ug mga lider sa komunidad ang mas lig-on nga parents’ guidance, sexuality awareness, ug child safety programs.
“Dili lang kini numero. Bata kini nga kinahanglan ug tingog, proteksyon, ug hustisya,” sigon sa PHO. (RTB)
