GIPAHIGAYON ang groundbreaking ceremony sa usa ka dako nga proyekto sa lalawigan sa Bohol, pinaagi sa Department of Public Works and Highways nga nagkantidad og P350 milyon.
Kini ang gibutyag mismo sa amahan sa Bohol Governor Erico Aristotle Aumentado sa mga sakop sa Bohol media diin gihimo ang kalihukan niadtong Biyernes, Agosto 15, 2025.
Gipasabot ni Gob. Aris nga pagatukuron ang maong Bohol International Convention Center (BICC) isip tubag sa tinguha alang sa tukmang dapit alang sa MICE kun Meetings, Incentives, Conventions and Exhibitions.
Sigon pa niini nga tulo ka ektarya kapin ang luna 3-storey multi-purpose building with basement parking ang muturok sa lugar.
Dugang ni Aumerntado nga mas mapalapdan pa unya ang mga plano pagpauswag sa turismo ug pagpalambo sa ekonomiya diha sa mga lokal ug internasyonal nga mga oportunidad ilabina nga kini pagatukoron sa Barangay Danao, Panglao haduol sa Bohol Panglao International Airport.
Uban sa Sangguniang Panlalawigan ubos ni Vice Gov. Nicanor Besas ug Provincial Administrator Asteria Caberte, miingon si Gov. Aris nga padayon sila sa pagtrabaho ug pagsuporta alang sa kalamboan sa lalawigan sa Bohol. (RTB)
