NAGLARAW si Congw. Alexie Tutor nga matabangan ang mga nagtrabaho sa gobyerno ilabi na ang mga Contractual, Casual o Job Order nga mahimong regular.
Kini maoy hinungdan nganong iyang giduso ang House Bill 1581 o AN ACT GRANTING CIVIL SERVICE ELIGIBILITY TO THOSE WHO HAVE RENDERED AT LEAST THREE CONSECUTIVE YEARS OF GOVERNMENT SERVICE, OR AT LEAST FIVE NON-CONSECUTIVE YEARS, WHOSE APPOINTMENT IS EITHER CONTRACTUAL, CASUAL, OR JOB ORDER.
“Daghang mga empleyado nga ingon niini ang dugay nang nagserbisyo sa gobyerno apan wala makadawat og seguradong benepisyo o oportunidad nga mahimong regular,” pamahayag pa sa kongresista.
“Pinaagi niining proposed nga balaod, matagaan nato sila ug tsansa nga mahimong eligible sa regular nga posisyon, nga makapausbaw sa ilang morale, productivity, ug kahimtang sa trabaho.”
“Sa kasagaran, sila ang unang muabot ug ulahi molakaw sa opisina, ug bisan walay kasigurohan ang ilang kontrata, padayon gihapon sila sa ilang buluhaton uban ang dakong kadasig ug dedikasyon.”
Sa maong balaudnon, mahatagan og paglaum ang mga trabahante sa gobyerno nga makapadayun sila sa serbisyo nga mas lig-on ug permanente ang kahimtang. (Kahlil Lester O. Camba)
