DUHA ka mga babaye ug usa ka lalaking konsehal ang mag-atbang pagka presidente sa Philippine Councilors League (PCL) Bohol Chapter.
Sila si Dr. Joahna Cabalit-Initay nga bag-ong konsehal sa lungsod sa Cortes; re-electionist Kons. Gloria Biwang Gementiza sa lungsod sa San Isidro; ug combacking Tagbilaran City Councilor Leonides ‘Eddie’ Borja ang kumpirmado nga mag-atbang sa PCL Election.
Silang tulo maoy pilian sa 386 ka mga konsehal sa tibook Bohol.
Nasayran nga si Gementiza pila na ka higayon nga nahimong PCL President sa Bohol samtang sila si Borja ug Initay bag-ohan palang nga mosalga sa maong posisyon.
Ang mapili sa tulo otomatik nga molingkod sa Sanguniang Panlalawigan sa Bohol isip Ex-officio member. (RTB)
