GIHINGANLAN ang usa ka batan-ong agri-preneur gikan sa Bohol isip Top 1 National Awardee sa Young Farmers Challenge (YFC) – Start-Up Production Category sa Department of Agriculture (DA) atol sa seremonyas nga gipahigayon niadtong Hulyo 17, 2025, sa Baguio Convention and Cultural Center, Baguio City.
Si Dignity Yap Lagunay, migawas isip national champion human mapildi ang competitive pool sa mga finalists gikan sa tibuok nasud. Ang iyang proyekto, Tinibgan Bee, usa ka bag-o ug malungtarong negosyo sa beekeeping, nakadayeg sa usa ka panel sa nasudnong mga maghuhukom nga adunay potensyal niini sa pagpataas sa lokal nga komunidad ug pagpalambo sa ekolohikal nga pagpanguma.
Nakadawat si Lagunay og plaque of recognition, certificate, ug cash grant nga P300,000 aron mapalapdan pa ang iyang agri-business. Ang pasidungog kabahin sa DA’s Young Farmers Challenge, usa ka nationwide competitive financial grant assistance program alang sa mga Filipino nga nag-edad og 18 ngadto sa 30 nga mahiligon sa agrikultura ug agri-fishery nga negosyo.
Gipahigayon gikan sa Hulyo 14 ngadto sa 16, ang nasudnong judging event nagpakita sa promising agribusiness models sa mga kategorya sama sa production, processing (food and non-food), ug digital technology, ubos sa Start-Up, Upscale, ug Intercollegiate divisions.
Sa mensahe nga gihatag ni Assistant Secretary Genevieve Guevarra, gidayeg ni DA Secretary Francisco Tiu Laurel Jr. ang mga partisipanteng kabatan-onan, nga nagtawag sa Young Farmers Challenge (YFC) nga “testament to the bright and promising future of agriculture in the country.”
“Ako po ay lubos na nagatuo sa inyong husay, talino, ug dedikasyon nga mahimong susi sa usa ka moderno ug malungtaron nga agrikultura sa Pilipinas,” sigon sa mensahe nga gibasa.
Gilusad niadtong 2021 pinaagi sa inisyatiba ni Senador Imee Marcos, ang Young Farmers Challenge (YFC) program gipatuman sa DA-Agribusiness and Marketing Assistance Service (AMAS). Sa pagkakaron, nakahatag na kini ug gahom sa 4,313 ka batan-on nga mga indibidwal nga manimpalad sa mga agri-enterprises ug makatampo sa kalamboan sa kabanikanhan ug seguridad sa pagkaon.
Si Lagunay, kansang kalamposan nakadugang sa nagkadako nga listahan sa mga batan-ong innovator sa Bohol, anak ni Provincial Legal Officer Atty. Handel Lagunay ug First District Board Member Lucille Yap-Lagunay.
Ang iyang kalamposan nakita dili lamang isip usa ka personal nga milestone, kondili usa usab ka makapadasig nga panawagan alang sa next generation to reimagine agriculture as idea of innovation, sustainability, and community empowerment. (RTB)
