MAGPADAYON ug palapdan pa sa labing una nga babayeng magbabalaod sa segundo distrito sa Bohol ang iyang nasugdan nga mga programa, serbisyo ug proyekto.
Kini ang gibutyag dili palang dugay ni CongW. Vanessa ‘Vanvan’ Aumentado kinsa kapikas ni Gobernador Aris Aumentado, subay sa pagsugod niya sa iyang ikaduhang ternino sugod sa alas 12:01 sa Hunyo 30, 2025.
LEGISLATIVE FUNCTION
Tulo ka mga giproponer nga balaudnon ang subling iduso ni CongW. Aumentado sa 20th Congress. “Kini na-aprobahan na sa Kongreso, ang uban na salang na sa Senado pero gi-abtan sa paghuman sa 19th CONGRESS mao need e balik og file”, sigon sa magbabalaod.
1.) H.B.4448 “AN ACT ESTABLISHING TWO (2) ADDITIONAL SCHOOLS DIVISION OFFICES IN THE PROVINCE OF BOHOL”
2.) H.B.5415 “AN ACT ESTABLISHING A SPECIAL ECONOMIC ZONE IN THE PROVINCE OF BOHOL, CREATING FOR THAT PURPOSE THE NORTHERN BOHOL SPECIAL ECONOMIC ZONE AUTHORITY, AND APPROPRIATING FUNDS THEREFOR”
3.) H.B.5950 “AN ACT DECLARING THE IMMEDIATE UNDERWATER ENVIRONS OF THE BIEN UNIDO DOUBLE BARRIER REEF IN THE MUNICIPALITY OF BIEN UNIDO, PROVINCE OF BOHOL, A TOURIST DESTINATION, AND APPROPRIATING FUNDS THEREFOR”
HEALTH
♻ Medical Assistance- laboratory & hospital billing (way pili ma 1st, 2nd & 3rd district residents) mga admit sa Don Emilio, GMPH, Gallares, Ramiro, Ace, HNU, Coop, Community lakip na ang Cebu Hospitals nga Cebu Doc, Chong Hua, UCMed, Succour, ug sa Manila Philippine Heart Center, NKTI ug Philippine General Hospital.
Dugang usab nga mga Health Centers ang ipahikuna ni CongW. Vanvan sa mga kabarangayan sa segundo distrito.
SOCIAL SERVICES
Sa pakig-alyon sa DSWD kaniya, si Aumentado padayon sa iyang Burial Assistance nga managsama sa medical assistance walay pili hangtud nga adunay pondo.
EDUCATION
Sa natad sa Edukasyon, si CongW. Vanvan nagtuo nga ang kapobrehon dili maoy babag alang sa pagkab-ot sa mahayag nga kaugmaon, hinungdan nga iyang pinangga ang mga kabus nga kaigsoonan.
Ang iyang buhatan padayon sa paghatag sa Scholarship Program, Educational Subsidy u gang iyang Requests for fund allocation for School Building construction & repair nga minilyon ang kantidad.
LIVELIHOOD
Sa kanunay ang buhatan sa kongresista nagtanyag sa Livelihood Programs sa pakigtambayayong sa DOLE. Lakip na usab niini ang Technical/Vocational courses kauban ang TESDA.
INFRASTRUCTURE
Sa iyang ikaduhang termino, padayunon ni CongW. Vanvan ang binilyong road concreting, road widening, ug farm-to-market roads. Lakip na usag niini ang pagtujod sa mga tulay, covered courts, multi-purpose buildings, barangay hall, evacuation center, water works system, flood control, solar lights, ug daghanan pa.
PERSONAL ADVOCACY
Gamit ang personal nga pondo, ang magtiayong Aumentado padayon sa ilang “Balay sa Paglaum” kauban ang Bohol Provincial Police Office (BPPO) alang sa Libreng Alagad ug Balay (LAB) program diin hapit na muabot sa gatusan ka igsoong Bol-anon ang napatukuran sa desenting panilamalay.
Subay niini, gipasalig ni Kongresista Vanvan Aumentado nga dili sila muhunong kauban ni Gob. Aris sa pagpangitag mga pamaagi nga makatabang sa kaigsuonang kabus ug dayunon nila ang ilang tanang programa nga alang gyud sa kinabag-an ug walay pili-pili.
Kahumduman nga naila na ang pamilyang Aumentado sa ilang dedikasyon ug walay kaluya sa trabaho lakip na ang pagtabang sa mga Bol-anon nga nanginahanglan sa walay paghuna-huna sa bolok sa pulitika. (RTB)
