GIBUTYAG ni Bise Presidente Sara Duterte nga tugotan sila sa International Criminal Court kun ICC nga makahimo og oath-taking o pagpanumpa kang kanhi president Rodrigo Duterte human kini midaug pagka-Mayor sa Davao City sa bag-o lang natapos nga eleksyon sa Pilipinas karong tuiga.
Segun sa Bise Presidente nga giasikaso na sa pipila ka mga abogado sa ICC ang mga papeles ug sa Pilipinas bahin sa proseso niini.
Gihatagan ang kampo ni Duterte sa ICC og hangtod Hunyo 30 sa udto nga makahimo pagpanumpa sa kanhi Presidente.
Nidugang kini nga kon makuha na ang proclamation papers alang sa kanhi Presidente, mahimo nang himoon ang oath-taking niini.
Samtang wala na midugang pagtug-an si VP Sara kon unsaon ang pangatungdanan sa amahan niini human napili sa pagka-Mayor sa Davao City. (RTB)
