GIPUBLIKAR sa Holy Name University Research Center and Publications ang ilang Bohol Poll 2025 Pre-election survey results.
Gipresentar sa HNU sa publiko ang Bohol Poll 2025 pre-election survey didto sa HNU Campus sa Tagbilaran.
Ang survey period gikan April 18, 2025 hangtod May 4, 2025 diin dunay 400 respondents. 100 matag districts ug laing 100 sa Tagbilaran City.
Aduna kini margin og error nga +/-5% para sa Bohol, Tagbilaran City, District 2 ug 3 mao ang +/-10% ug District 1 mao ang +/7%.
AUMENTADO – BESAS TOP
Gob. Aris Aumentado pabiling naka angkon sa 80% voters’ preference sa Bohol Poll 2025 Pre -election survey.
Ang kaatbang nga si Atty. Dan Lim nakaangkon lang sa 10% voters’ preference ug Hardy Leopando naka angkon sa 3% voters’ preference.
Sayo niini, nanguna si Gob. Aris Aumentado gihapon sa regular round sa Bohol Poll 2025 sa survey period niadtong Marso 6 hangtod Marso 29, 2025.
Sa susamang kalambuan, si BM Nick Besas abante na sa voters’ preference pagka Bise-Gobernador sa Bohol matod sa Bohol Poll Survey 2025.
Gihimo ang survey niadtong Abril 18 hangtod Mayo 4, 2025 diin dunay 400 ka respondents ug dunay +/-5 ug +/-10 nga margin of error.
Sa Bohol Poll Pre-Election Survey 2025, nisaka ngadto to 42% gikan sa 31% niadtong Bohol Poll regular round ang voters’ preference ni BM Nick Besas nga pili-ong Bise-Gobernador sa Bohol.
Nakakuha ang kaatbang ni BM Besas nga sila si kanhi BM Gerry Garcia og 29% ug si Santos Abella nakaangkon sa 12% voters’ preference sa resulta sa Bohol Poll Pre-election Survey 2025.
YAP, CHATTO, PIZARRAS TIE
Si kanhi Tagbilaran City Mayor Baba Yap naka-angkon sa 35%, si incumbent Cong. Edgar Chatto ang naka-angon sa 35% ug si Jordan Pizarras naka-angkon sa 25% voters preference sa Bohol Poll 2025 Pre-Election Survey nga gipasiugdahan sa Holy Name University Research Center.
Gihimo ang survey gikan Abril 18 hangtod Mayo 4, 2025 nga dunay 400 respondents sa tibuok Bohol. 100 sa matag distrito ug 100 sa Tagbilaran City diin dunay +/-5 ug +/-10 margin of error.
JANE YAP NAG-UNA KONTRA ATOY
City Mayor Jane Yap pabilin ang labaw sa voters’ preference nga pilionong mayor sa dakbayan sigun sa Bohol Poll 2025 Pre-election survey.
Si Mayor Jane Yap naka-angkon og 64% voters’ preference batok sa kaatbang niini nga si City Councilor Atoy Torralba nga naka-angkon lang og 31% percent voters’ preference.
Gipasiugdahan ang Bohol Poll 2025 election survey sa Holy Name University Research Center ug gihimo kini niadtong Abril 18 hangtod Mayo 4, 2025.
Adunay 400 ka respondents ang survey ug dunay +/5 ug +/10 margin of error.
Mas nisaka pa ang voters ni Mayor Jane Yap sa Bohol Poll regular round survey niadtong Marso 5 hangtod Marso 29, 2025 diin nakaangkon siya og 54% voters’ preference. (RTB)
