MAGPABILIN nga heightened alert ang Bohol Police Provincial Office Office (BPPO) hangtod na sa Semana Santa aron masiguro ang kahapsay ug kalinaw sa lalawigan sa Bohol.
Ang BPPO miingon nga ilahang tutokan sa pagbantay ang mga dapit nga dagsaon og mga tawo sa pagtimaan sa Semana Santa.
Kini sama sa mga simbahan ug ubang lugar kun asa mamalandong ang mga tawo. Apil sab sa tutokan ang mga Isla sanglit gilauman nga maghugop ang mga tawo ning Semana Santa nga maoy naandan.
Panawagan sa BPPO sa katawhan nga magbinantayon kanunay ug dili magdala og mga mahalong gamit aron dili mabiktima sa snatching, pagpanguot ug uban pang krimen. (RTB)
