GI-TURNOVER na sa buhatan ni Congw. Vanvan Aumentado ang mokabat P65M kantidad sa mga proyekto alang sa dugang kalamboan sa lungsod sa Talibon.
Kini naglakip sa P50M nga pag-semento ug pagpalapad sa kalsada didto sa Brgy. San Jose, Farm-to-Market Road sa Brgy. Sikatuna ug ang Covered Court bleachers sa Brgy. Magsaysay kantidad P1M.
Gikan sa GAA 2024 ang pundo nga gigamit sa maong mga proyekto.
Sa laing bahin, dunay bag-ong Multi-purpose vehicle ang Lungsod sa Talibon kantidad P1M samtang dunay gigahin nga P200,000 alang sa rehabilitation sa Magsaysay Water System gikan sa KALAHI-CIDSS.
Usa ang Talibon sa mga 1st class municipality sa Bohol nga naglakip sa Ubay, Dauis, Panglao, Loon, Trinidad, Inabanga, Buenavista ug Tubigon.(Kahlil Lester O. Camba)
