AT first glance, the huge crowd that adorned the bleachers of the Gov Mariano Perdices Coliseum in Dumaguete looked impressive. Puno gyod ang mga bleachers, nagdala pa og mga banderitas.
But when some mayors disclosed that they were asked to bring at least 200 job orders (Jos), including barangay captains, to the coliseum to provide warm bodies during the Alyansa rally, then the numbers game at that rally became understandable.
Di man tuod binayran pero pugos gyod.
Kinsa man god pod makabalibad kon mayor nay mosulti nga attend mo mga JOs sa rally?
* * *
Grabe na man kaayo ang traffic sa Dumaguete on ordinary days.
Misamot na gyod sa dihang nanganha tanan ang mga JOs sa mga lain-laing lungsod, plus mga mayor, kagawad ug mga kapitan.
Perteng luoya lagi kadtong ordinaryong mga sakyanan nga walay wangwang o HPG nga mag-una, “ma-stranded” gyod og taod-taod.
* * *
Anyway, the governor tried to rally those inside the covered court for a massive chant of BBM, BBM, BBM.
Pastilan, wa man molihok, mosabay o mo-singgit ang mga tawo, nagtan-aw man lang.
So miingon si gov, matay, mingaw man.
So miusob na sab siya’g syagit og BBM, BBM, BBM, pastilan kay wala man gihapon mosabay ang mga tawo, maihap ra tingali tong pipila ka buok nga mi-clap pero walay siyagit nga nahitabo, so mihunong na lang si gov.
Haskang luoya lagi kay kon huna-hunaon, “captured” audience baya tong dihas sulod so expected unta to nga magpa-sumangil og singgit ug clap sa kamot.
Pero wala gyod oi.
Nakasabot tingali to si BBM nga wa gyod madala sa abla ni gov ang mga tawo, misunod na lang pod siya og yawit sa mike.
Nakat-on tingali to sa bitter lessons didto sa Iloilo ug Davao nga wa gyod siya tagda sa mga tawo bisan ga-kaway-kaway siya sa kamot, wa na lang mo-attempt si BBM ug agni sa mga tawo nga mosabat sa iyang chant.
Yawyaw na lang siya sa mga kaayohan kunohay sa iyang administrasyon, atake sa pikas kampo ug gikampanya na sab niya ang iyang mga senador.
Maayo gani kay wa na siya masayop og ila-ila nila just like in Davao nga giila-ila niya si Manny Pacquiao nga gikan sa Bukidnon, instead of GenSan.
* * *
From what I heard, daghan sa mga “handlers” ang na-worried and very concerned sa lakat sa kampanya.
Unlike during PRRDs time, mingaw pas gaihaw og baksan kon magyawyaw nas BBM lagi.
Matod sa mga handlers, bisan mismo si BBM morag naka-feel na sab nga bugnaw ang tinagdan sa mga tawo niya sa mga lugar na ila nang naadtoan. Kon magpadayon daw ni, naghuna-huna na og better options ang mga handlers kay posible madamay sila sa kabugnaw ug ma-entonses ilang mga boto pohon.
* * *
Nakita sa mga handlers nga mora’g “patay” ang mga audience kon magyawyaw nas BBM, unlike during rallies nga naa si PRRD nga buhi og aktibo ang mga tawo kon mo-abiba na sila og apil.
Labi na gyod kay tuison usahay ni BBM ang iyang facts, tinuyo ba kaha o misipyat lang, unya masabtan dayon sa mga tawo nga namotbot na og sugod ang mga politiko, maoy rason nga magtanga na lang.
Well, taas-taas pa nga kampanya ang mahitabo so dili pa mahibaw-an kon unsa gyod ang mo-resulta aning kalandrakas karon sa politika.
