ANG pito ka adlaw-adlaw nga mga biyahe gikan sa South Korea nagpabilin nga wala maapektuhan bisan pa sa bag-o nga pagkahagsa sa usa ka Jeju Air nga ayroplano ug ang nagkagrabe nga kagubot sa politika sa South Korea.
Si Manager Anghelo Ybañez sa Bohol Panglao International Airport (BPIA) nagkanayomn nga ang lokal nga tugpahanan walay nadawat nga pahibalo sa pagkunhod o pagkansela sa mga biyahe gikan sa South Korea.
Ang matag usa sa pito ka biyahe magdala ug mga 150 ngadto sa 180 ka pasahero o mga 1,050 ka pasahero kada adlaw.
Ang pahayag sa tagdumala sa BPIA migawas human adunay mga taho nga ang tanang mga biyahe nga naggamit sa 737 Boeing nga mga ayroplano nagrounded human sa aksidente sa miaging semana nga naglambigit sa usa ka B737 nga eroplano sa Jeju Air gikan sa Bangkok sa dihang kini mitugpa sa Muan Internaional Airport.
Sa gihimong pakisusi kini nagbutyag nga ang ayroplano nga maoy nakaingon sa aksidente milupad paingon sa Panglao airport niadtong Disyembre 18, o 11 ka adlaw sa wala pa kini mahitabo sa maong trahedya nga aksidente nga nahimong pinakagrabe nga aviation accident nga naglambigit sa Boeing 737 Next Generation aircraft ug ang grabeng aksidente sa aviation sukad sa 2018 crash sa Lion Air Flight 610 (nga adunay 189 nga namatay).
Ang aksidente nagtimaan sa worse aviation disaster nga naglambigit sa usa ka South Korean airliner sukad sa 1997 crash sa Korean Air Flight 801 sa Guam (nga adunay 229 nga namatay) ug nahimong grabeng aviation incident sa South Korean, milabaw sa 2002 crash sa Air China Flight 129 nga nakapatay ug 129 ka tawo. Kini ang una nga makamatay nga pagkahagsa sa abyon sa kasaysayan sa Jeju Air, nga 19 anyos sa panahon sa aksidente.
Nasayran nga ang Jeju Air nga nagdala ug dili mominos sa 170 ka mga pasahero kada adlaw sa Bohol naggamit sa 737 ka Boeing nga eroplano.
Ang Jin Air nga molupad usab paingon sa Panglao naggamit usab ug B737 nga eroplano, gawas sa B737Max nga mga eroplano.
Ang Air Busan nga adlaw-adlaw usab nga molupad gikan sa South Korea naggamit ug A321 nga eroplano ug A32Neo nga eroplano.
Ang Royal Air nga kaniadto molupad paingon sa Bohol naggamit ug A319 ug A320. (RTB)
