GIDUSO ni #1 City Councilor Malvin Misael ‘Atoy’ Torralba ang Proposed Resolution No. 304-24 Series of 2024 Revoking Resolution No. 22-231, Series of 2022, Entitled: “Confirming the Original Proponent Status Conferred to Tagbilaran Waterfront Development Corporation For the Tagbilaran City Waterfront Development Project”.
Nadawat sa City Government ang proposal sa Tagbilaran Waterfront Development Corporation (TCWDC).
Dunay projected assumed cost ang maong proyekto nga P12,000,000,000.00 nga maglakip sa 153.029 ektarya sa ‘waterfront development’ sa mga baybayon sa Barangay Mansasa, Poblacion I, Poblacion II, Cogon, Booy ug Taloto.
Naaprobahan ang maong resolusyon niadtong Oktubre 19, 2022.
Ang Tagbilaran Bay Watch, usa ka grupo sa mga environmentalist gikan sa pribado ug relihiyosong sector sa katilingban kusganong nisupak sa reclamation project.
Disyembre 22, 2023 giaprobahan sa Sangguniang Panlungsod ang Resolution No. 23-261, Series of 2023 ‘fully supporting the declaration og Honorable Jane Censoria C. Yap, City Mayor, City of Tagbilaran, not to continue with all activities relating to the unsolicited proposal of Waterfront Development Corporation for the Proposed Tagbilaran City Waterfront Development Project.’
Ang SP Committee on Health, Sanitation and Environmental Protection kon diin ang Chairman mao si Konsehal Atoy nihimo og Environmental Code Review and Workshop. Kapin 70 ka mga partisipante ang nitambong gikan sa mga national ug local government agencies, pribadong sector ug NGOs.
Kasagaran nila nisupak sa mga umaabot pa nga reclamation project gumikan sa mga environmental issues.
Suma pa sa Proposed Resolution No. 304-24 ang pag-revoke sa Resolution No. 22-231, Series of 2022 nahisubay sa mga provision sa Section 189 (Repealed, Amended and Modified Laws, Decrees and Special Charters), Title XXV, Republic Act No. 11966. Otherwise known as the Public-Private Partnership Code nga aprobado niadtong Marso 22, 2024.
Ang Proposed Resolution No. 304-24 nga giduso ni Konsehal Atoy pagatukion pa sa Joint Committee on Committee on City Planning and Public Lands ug Committee on Health, Sanitation and Environmental Sanitation. (Kahlil Lester O. Camba)
