7 KA mga kapunungan sa nagkadaiyang mga lungsod sa Tersiero distrito ang na-grasyahan sa mga ‘livelihood grants’ gikan sa buhatan ni Congw. Alexie Tutor.
Kini pinaagi sa DOLE Integrated Livelihood Program og niabot sa P2,817,395.
Ang pito ka mga kapunungan mao ang Ticum Farmers Association sa barangay Ticum, Valencia (P367,589.00) alang sa ilang Free Range Chicken Production and Marketing samtang ang Basiao Senior Workers Association sa barangay Basiao, Garcia-Hernandez nga mag-Layer Poultry Farming dunay (P499,944.00).
Ikatulo ang Ga-Her United Farmers Association nga dunay P413,070.00 nga gamiton sa Hog Raising samtang ang Abijilan Womens Association sa Abijilan, Garcia-Hernandez gihatagan og P497,600.00 alang sa Egg Production.
Ang Cadapdapan Tilapia Hatchery and Growers Association dunay P480,026,00 nga gamiton sa Tilapia Production and Marketing ug P249,816.00 alang sa Tilapia Culture in Pond sa Bicao Rainfed Farmers Association.
P309,350.00 ang pundo nga nakuha sa Brgy. Yanaya Womens Association alang sa ilang Swine Fattening. (Kahlil Lester O. Camba)
