GISUNOG kaniadtong Nobyembre 14, 2024 ang 71.83 ka kilos nga shabu, 3.38 kilos nga marijuana, 47 ml nga nalbuphine hydrochloride, 55 ka tabletas sa ecstasy, 47 ka gramo nga ephedrine hydrochloride, ug uban pang mga ginadili nga droga nga mo kantidad sa Php489.4 million ka pesos, apil ang gikan sa Bohol nga dul an sa duha ka kilo. Diin naa sa 1 ka kilo ug 969.57 gramos nga shabu nga nasakmit gikan sa operasyon sa kapolisan sa Bohol.
Matud ni Police Lt. Col. Norman Nuez, tigpamaba sa Bohol Police Provincial Office ( BPPO ), nagkantidad og kapin sa P13.3 milyones ang shabu ang apil sa gisunog didto sa Cosmopolitan Funeral Homes, sa dalan Junquera sa dakbayan sa Sugbo.
Ang Philippine Drug Enforcement Agency (PDEA) sa Central Visayas maoy nanguna sa gipahigayong destruction of confiscated illegal drugs uban sa Philippine National Police (PNP) nga gisaksihan sa mga sakop sa media
Ang mga gi sunog nga shabu ug marijuana mga nasakmit kini sa mga kadaiyang operasyun sa PNP ug PDEA sa Central Visayas gikan adtong buwan sa Hunyo karong tuiga
Gipadayag ni Judge Ruelo Saladaga Presiding Judge sa RTC 69 sa Lapu Lapu City nga dili tinuod nga adunay mahitabo nga RECYCLING sa mga drugas nga masakmit sa PNP ug PDEA, kay human sa imbentaryo ug pag marking sa mga masakmit ipasa kini dayun sa Crime Laboratory alang sa himuon nga paki susi kon tinuod ba nga mga drugas ang mga nasakmit sa operasyun unya inig pag file na nila sa kaso deritso nga isumiter kini sa kurte.
Dugang gipa hayag ni PDEA Regional Director Alex Tablate human i- mando sa mga kurte ang destruction ug disposal sa mga shabu ug marijuana ihatud kini dayun sa PDEA Regional Office tag huwat nga ipa higayun ang pag sunog susama sa gi himo kagahapon Nobyembre 14, 2024 nga anaa ang witnesses.
Samtang dako usab og pasalamat ang mga media sa Bohol sa suporta ni Gobernador Aris Aumentado aron saksihan ug ipakita sa publiko ang pagsunog sa maong mga druga nga dunay gikan sa Bohol.
Usa kini sa mga proweba nga walay recycle sa druga ang nahitabo sa lalawigan sa Bohol sukwahi sa kasagarang duda sa publiko. Subay usab sa strategic change agenda sa administrasyong Aumentado usa sa gilantaw nga mahimong zero drug case gayod ang lalawigan sa Bohol.
Diin sa pagkakaron padayong gigukod sa kapolisan ang mga durogista sa pagpangulo usab ni BPPO Provincial Director Col. Arnel Banzon kini isip pakig alayon usab sa panglantaw ni Gobernador Aris Aumentado nga mahimong Drug free ang probinsiya sa Bohol. (RTB)
