GIHIMO karong bag-o didto sa lungsod sa Sagbayan ning lalawigan ang padayong diskusyon o Congressional Dialogue diin gituki ang House Bill 10438.
Unod sa maong HB 10498 mao ang “An Act Establishing The Coverage Of The Chocolate Hills Natural Monument (CHNM), Amending The Composition Of The CHNM Protected Area Management Board, Appropriating Funds Therefor, And For Other Related Purposes In Relation To Ra 11038 Or The Expanded National Integrated Protected Areas System (E-NIPAS), As Amended”, authored by Rep. Kristine Alexie B. Tutor, Rep. Maria Vanessa C. Aumentado, Rep. Edgar M. Chatto, and Rep. Jose C. Alvarez.”
Gilangkuban ang tigum sa DENR Officials nga sila si Glicerita Racho – OIC CENRO; ug sla si Sir Jun Café – APASU; Engr. Roni Bunado sa PPDO; LGU Sagbayan SB Members; Felito Pon- Executive Secretary ni Mayor Junjun Suarez; ug Sablas – manager / igsoon sa tag-iya sa Captain’s Peak ug pipila ka mga Department Heads sa LGU Sagbayan.
Subay niini, gipasabot sa labing una nga babayerng kongresista sa Segundo distrito sa Bohol Vanessa Vanvan Aumentado nga ang gihimo nila usa ka Congressional Dialogue kauban ang maong mga stakeholder tungod kay ang ilang House BILL 10438 tukion na kini sa komitiba sunod semana.
Ang tigum gihimo ‘in aid of legislation’ ug aron usab ilang masayran ang ‘updates & status’ sa Capts Peak gikan sa DENR.
Apil usab sa mitambong si Architect Nino Guidaben alang sa pipila ka ideya ug panahum niini, sigon ni CongW. Vanvan.
Nanghinaot usab ang magbabalaod sa Segundo Distrito nga ang Sangguniang Bayan sa lungsod sa Sagbayan mopanday og ordinansa arun masuportahan, mapahugtan o mapalig-on pa ang mga balaudnon alang sa ‘Protected Areas’.
Sa pikas bahin, ang usa sa co-author sa HB10438 nga si CongW. Alexie Tutor sa third district sa Bohol nga dili man tuod niya ‘district jurisdiction’ ang Sagbayan apan niapil tungod kay apektado man ang tanan niini.
Giangkon ni Tutor nga wala siya makakita sa site apan gusto siya nga makakat-on pa ug dugang kalabot niini.
Sigon niini nga tungod sa tigum nakita sa tanan ang dako nga hulagway aron makahibawo ang tanan sa pagtimon aron makalihok na sa unahan.
Gipasabot ni CongW. Tutor nga ang diskusyon nga gihimo nakapadan-ag sa tanang mga Bol-anon nga hatagan sa bili ang bisan unsa nga kalambuan ilabina sa mga dapit nga sakop sa CHNM ug nga kini kinahanglang iapil sa arkitektura sa palibot niini aron makahatag sa nindot nga panagway nga makapauswag sa CHNM sa samang higayon makadugang sa bag-ong estraktura. nga gitukod.
Dugang pa sa kongresista nga ‘status quo’ ang tanan sa pagkakaron tungod kay ‘ongoing’ pa ang imbestigasyon.
Sigon pa ni Tutor nga sila isip mga magbabalaod, andam sa kanunay sa pagdiskutir sa amendments sa maong sugyot-balaudnon.
Sa katapusan, si CongW. Tutor nagpasalamat sa tanang partners niini sa Segundo Distrito ug aktibo siyang milambigit sa kalihukan tungod kay ang mga lungsod sa tersero distrito ang daghang covered sa CHNM. (RTB)
