NAGPADALA na og suwat ngadto kang Ombudsman Samuel Martires si ‘Tigpanalipod’ Atty. Jordan M. Pizarras.
Kini arun manduan si Special Prosecutor Edilberto G. Sandoval nga moduso sa iyang counter-affidavit sulod sa 10 ka adlaw gikan sa pagdawat sa reklamo.
Kahinumduman nga gikiha ni Atty. Pizarras si Special Prosecutor Sandoval og Usurpation of Official Function.
“Under the Rules of Procedure of the Office of the Ombudsman, respondent is mandated to submit his counter-affidavit”, pamahayag pa anak sa lumad nga Dauisanon.
“I expect that your office will act promptly, upholding the tenets of transparency, accountability, and fairness”, suma pa sa katapusang bahin sa iyang suwat kang Ombudsman Martires.
Ang pagpirma sa Special Prosecutor sa suspension order nila Gob. Aris Aumentado, mga mayor, mga kapitan ug uban pa maoy basehan ni ‘Tigpanalipod’ sa iyang pamahayag nga ‘invalid’ ug ‘no basis’ kini.
Suma pa sa balaud, ang Ombudsman lang o bisan kinsa sa iyang mga Deputy ang mahimong mopirma og mga suspension order. (Kahlil Lester O. Camba)
