NAGPLANO ang Provincial Health Office nga magpahiluna og mga dialysis machine sulod sa dili pa lang dugay nahuman nga pagtrabaho sa bag-ong Cong. Natalio Castillo Memorial Hospital sa lungsod sa Loon.
Matud ni Dr. Yul Lopez hepe sa PHO nga 12 ka mga dialysis chair ang planong ibutang sa bag-ong tambalanan sa Loon.
Sunod tuig kung mahumana ang dialysis room matud ni Lopez nga isunod usab ang pagpalit sa mga dialysis machine.
Niadtong buwan sa Marso ning tuiga sa dihang hingpit na nga nagamit ang tambalanan nga dugay kaayong nahuman.
2016 ang unang plano nga trabahuon ang tambalanan apan tungod sa mga kakulian 2019 na kini nasugdan.
Na dugangan pa gyud ang pagka delatar tungod sa pagpatuman sa lockdown panahon sa covid19 pandemic.
Sa pagkakaron matud ni Lopez nga wan a gamita ang karaan nga hospital og gibalhin na ang operation sa bag-ong edipisyo.
Ang Cong. Natalio Castillo Memorial Hsopital nga nagkantidad og 115 milyon pesos, 90 milyon niini gikan kang kanhi Presidente Noynoy Aquino panahon sa 2013 nga linog, ug 25 milyon pesos gikan sa provincial government.
Ang serbisyo sa pag dialysis usa sa mga nakita nga gikinahanglan pag-ayo ug gipangusgan kini ubos sa strategic change agenda sa administrasyon ni Gob. Aris Aumentado ug Bise Gob. Victor Balite sa paninguha sa lapas nga serbisyong panglawas. (RTB)
