GIPAHIBALO sa Philippine Atmospheric, Geophysical and Astronomical Services Administration (PAGASA) nga natapos na ang El Niño phenomenon tungod sa pagusab na sa kondisyon sa dagat Pasipiko human ang nibalik na ang El Niño Southern Oscillation (ENSO) ngadto sa neutral levels.
Gipagawas nga pamahayag ni PAGASA Administrator Nathaniel Servando kining pagbalik na gikan sa ENSO-neutral dunay 69 porsiyentong molahus na ngadto sa La Niña karong Hulyo – Agosto – Septiyembre 2024 season.
“With these developments, the final advisory for El Niño (2023-2024) is issued and the PAGASA ENSO alert and warning system is now lowered to inactive (ENSO-neutral) while the La Niña Watch remains in effect,” dugang pang Servando.
Apan siya mipasidaan nga bisan sa maong kausaban ug ang nagpasulabi karong hanging habagat masinati pa sab gihapon ang epekto sa El Niño sama sa init kaayong panahon ug ubos kaayo sa normal nga mga pag-uwan sa pipila ka mga dapit sa nasud.
Giawhag niya ang mga LGUs ug ang publiko nga batasanon ang pagpaniid sa lakaw sa panahon ug mangandam sa mga posibleng epekto niining mga kausaban sa panahon. (RTB)
