WALA gikalipay sa mga dive-masters sa Panglao ang mga langyawng walay mga alien employment permit ug walay ‘working visa’.
Niresulta kini sa pagka apektado sa panginabuhian sa mga local natong mga dive-master.
Nakahinabi bag-ohay pa lamang ni ‘Tigpanalipod’ Atty. Jordan M. Pizarras ang mga sakop sa Panglao Diver-Masters Association.
“Ang trabaho sa pagka dive master gesudlan na sa mga langyaw nga walay mga alien employment permit ug walay mga working visa. Bout pasabut, mga illegals ni sila”, matud pa kang Atty. Pizarras.
“Ang naka-maut pa gyud kay walay pakialam ning mga langyaw nga dive masters. Daghan na mga corals sa atong mga dive sites ang nangadaut sama sa mga dive sites sa Balicasag kay ila lang tumban-tumban unya mangabali. Ang mga isda ug corals nga naka ingon nga ang Balicasag usa ka unique dive site – nangawala na. Kadtong hingkit-an sa mga 1990s , wala na karon. Ang mga divers nahibalo ani.”
Nisugyot siya sa atong mga otoridad nga aksyonan kin inga niresulta sa mga dive-masters nga nawad-an og panginabuhian.
“Wala pud ta kahibaw kung mga sundalo ba ni sila sa usa ka nasud nga gusto mo ilug sa Pilipinas . Daghan ani nila mga Insik ug Koreano,” dugang pa sa Bol-anong manlalaban. (Kahlil Lester O. Camba)
