NABATYAGAN na sa lalawigan sa Bohol ang epekto sa El Niño sa agrikultura nga direktang nakaapekto sa panginabuhi sa sektor sa agri-fishery.
Base sa El Niño Partial Damage Report on Agri-Fishery nga nakuha ning pamantalaan gikan sa Office of the Provincial Agriculturist (OPA) nga gikan sab sa mga Municipal Agriculture Offices (MAOs) sa pito ka lungsod sa Bohol, moabot ngadto sa P29.8M ang danyos diin ang P15,503,369 gikan sa lungsod sa Sierra-Bullones, San Miguel (P5,416,260), Bien Unido (P4,073,174), Trinidad (P2,742,446), Catigbian (P1,476,334), Sevilla (P477,000). ) ug Presidente Carlos P. Garcia nga adunay P150,480 nga report nga danyos.
Kadaghanan sa mga damyos mao ang gitanom nga humay sa ‘rainfed areas’ ug mga commodities sa mais diin ang mas dako nga kadaot nga gitaho gikan sa 3rd District partikular na sa palaliton sa bugas.
Una niini giawhag sa OPA ang mga Municipal Agriculturists/ Municipal Agricultural Offices (MAs/MAOs) ug Municipal Technicians sa pagtaho dayon ngadto kanila ang bisan unsa nga kadaot sa mga pananom sa ilang tagsa-tagsa ka lokalidad.
Ang Provincial Agriculturist nga si Liza M. Quirog niingon nga ang Provincial Government of Bohol (PGBh) pinaagi sa OPA nagpaabot na sa pundo gikan sa Department of Agriculture (DA) pinaagi sa Bureau of Soils and Water Management (BSWM) nga nagkantidad og P5M nga i-download sa ang PGBh aron mapadali sa kagamhanang probinsiyal ang proseso sa pagpahigayon sa Cloud Seeding Operations (CSOs).
Gibutyag ni Quirog nga pinaagi sa P5M gikan sa DA ug sa standby fund nga nagkantidad og P2.5M gikan sa 70% nga preparedness fund sa Provincial Disaster Risk Reduction and Management (PDRRM), adunay dool ngadto sa 100 ka flights sa CSOs ang mahimong ipahigayon aron mapuno ang tubig sa mga dam sa Bohol.
Sa pagkakaron, wala pa makaabot sa critical level ang tubig sa Malinao Dan sa Pilar ug Talibon Dam sa Zamora, Talibon, samtang anaa na sa critical level ang Bayongan Dam sa San Miguel ug Capayas Dam sa Ubay.
Apan kung magpadayon ang uga nga kahimtang, ang umaabot nga panahon sa pagpananom maapektuhan gyud, sigon sa Provicincial Agriculturist.
Si Quirog niingon nga gipaabot nga mosaka ang report sa kadaot sa El Niño human hingpit nga masusi sa mga Municipal Agriculturists/Municipal Agricultural Officers (MAs/MAOs)ang tanang palaliton ug dili lang ang bugas sa ilang tagsa-tagsa ka lokalidad.
Gitataw sa Provincial Agriculturist nga ang PGBh nigahin ug kantidad nga P25.5M alang sa mga materyales sa irigasyon agig suporta sa pagtubag sa El Niño sama sa: 402 ka water pump; 4,500 ka plastik nga tambol; ug 2, 809 ka rolyo nga PE Hose diin ang component kada set mao ang 1 ka water pump, 11 ka plastic drums ug 6 ka rolyo sa PE hose.
Gipasabot ni Quirog nga ang benepisyaryo sa maong mga irrigation materials mao kadtong mga asosasyon o farmers cooperatives nga misumiter sa ilang Letter of Intents (LOIs) ug giaprobahan sa gobernador. (RTB)
