NAGSUGOD na usab ang mga intelligence officer sa pagsusi sa mga pasangil nga ang mga transaksyon alang sa bulto nga paghatod sa ilegal nga drugas dinhi sa Bohol gipahigayon sulod sa mga prisohan, ang hepe sa Dauis Police Station nagkanayon karong bag-o human sa pagkasakmit sa shabu nga nagkantidad og P22 milyones sa iyang lungsod sa miaging semana.<\/p>\n\n\n\n
Sa usa ka press briefing, ang hepe sa Dauis police nga si Lt. Thomas Zen Cheung niingon nga wala nila ibaliwala ang posibilidad nga ang illegal drug trade sa probinsya kontrolado sa mga piniriso nga nagserbisyo sa usa sa mga prisohan sa nasud.<\/p>\n\n\n\n
\u201cMag intelligence workshop pa mi kauban ang PIU [Provincial Intelligence Unit] and other operating units kay kani na information consider ni siya so wala nato gi discount nga naay posibilidad naay ga control sulod sa prisohan as per the allegations sa atong mga suspects,\u201d matod ni Cheung.<\/p>\n\n\n\n
Matud pa ni Cheung nga ang impormasyon nga mahipos gikan sa mga dinakpan nga drug personality ipaubos sa validation sa dili pa kini ipasa ngadto sa mga hingtungdang nasudnong ahensya.<\/p>\n\n\n\n
Sa sayo pa, adunay mga taho nga adunay mga transaksyon sa drugas nga kontrolado sa mga piniriso gikan sa New Bilibid Prison sa Muntinlupa City, Albuyog Penal Colony sa Leyte ug bisan sa Bohol District Jail.<\/p>\n\n\n\n
Hinuon, gilusad na usab sa kapolisan kaniadto ang imbestigasyon sa mga alegasyon apan walay kompirmasyon.<\/p>\n\n\n\n
Si Sherwin Aranas, kinsa nasakmitan og 3 kilos nga shabu, usa sa pinakadako nga single-operation drug haul sa bag-ohay nga katuigan, sa Dauis niingon nga gikan siya sa usa ka \u201cKuya.\u201d<\/p>\n\n\n\n
Si Cheung nitumbok sa posibilidad nga si Aranas ug laing suspek nga nasakpan kaniadto og shabu nga nagkantidad og P13 milyones sa Panglao gikan sa samang tawo nga wala pa mailhi sa kapolisan.<\/p>\n\n\n\n
Matod ni Cheung, ang suplay sa droga sa Bohol gipadala gikan sa ubang lokalidad pinaagi sa gagmay nga mga sakayan nga modunggo sa hilit nga mga dapit sa taas nga baybayon sa isla-probinsya.<\/p>\n\n\n\n
\u201cAng Bohol isla man gud and as per validation namo naay gagmay nga barko ug mga banca nga dunggo dili sa mga ports,\u201d sigon sa hepe sa Dauis PNP.<\/p>\n\n\n\n
Si Cheung, kinsa kanhi tigpamaba sa Bohol Police Provincial Office, niingon nga padayon silang makig-alayon sa ubang police division sama sa Provincial Intelligence Unit aron masubay ang tinubdan sa ilegal nga drugas sa probinsiya. (RTB)<\/p>\n","protected":false},"excerpt":{"rendered":"
NAGSUGOD na usab ang mga intelligence officer sa pagsusi sa mga pasangil nga ang mga transaksyon alang sa bulto nga paghatod sa ilegal nga drugas dinhi sa Bohol gipahigayon sulod sa mga prisohan, ang hepe sa Dauis Police Station nagkanayon karong bag-o human sa pagkasakmit sa shabu nga nagkantidad og<\/p>\n","protected":false},"author":2,"featured_media":107,"comment_status":"closed","ping_status":"closed","sticky":false,"template":"","format":"standard","meta":{"om_disable_all_campaigns":false,"footnotes":""},"categories":[8,33,7],"tags":[],"class_list":["post-7279","post","type-post","status-publish","format-standard","has-post-thumbnail","hentry","category-balitang-bol-anon","category-banner-news","category-news",""],"yoast_head":"\n