ANG Provincial Technical Education and Skills Development Committee (PTESDC) milihok na aron sa pagtukod sa gisugyot nga Bohol Polytechnic State Institute (BPSI) \u2014 usa ka dakong lakang nga gitinguha nga makapalig-on sa edukasyon ug pagbansay sa teknikal-bokasyonal sa probinsya, ug maghatag og mas daghang dalan alang sa mga Bol-anon nga makakuha og trabaho ug mas taas nga lebel sa kahanas.<\/p>\n\n\n\n
Kini nga pag-uyon usa sa mga importanteng resolusyon nga giaprubahan atol sa miting sa ikaduhang kwarter sa PTESDC, nga gipahigayon niadtong Hunyo 11 sa Carlos P. Garcia Hall sa Kapitolyo sa Probinsya, ubos sa pagpangulo ni Supervising Administrative Officer Metodio Maraguinot Jr.<\/p>\n\n\n\n
Ang gisugyot nga BPSI, nga kaniadto gipresentar na ug giaprubahan sa Provincial Development Council (PDC) niadtong Hunyo 3, nagtumong nga tipunon ug mahiusa ang mga kasamtangang Provincial Training Centers (PTC) sa Pilar, Jagna, Bilar, Tubigon, ug Inabanga aron mahimong usa lamang ka institusyon.<\/p>\n\n\n\n
Ang maong sugyot gipasa na karon ngadto sa Technical Education and Skills Development Authority (TESDA) Council alang sa dugang nga pagtuon ug pagtugot.<\/p>\n\n\n\n
Matud pa ni Maraguinot, kining inisyatiba nagpakita sa panglantaw ni Gobernador Aris Aumentado nga palapdan ang kahigayonan sa mga tawo nga makakat-on og kahanas, ug mahatagan ang matag Bol-anon og mas daghang higayon nga makatrabaho ug makapadayon sa pagkat-on sa tibuok nilang kinabuhi.<\/p>\n\n\n\n
Sa higayon nga matukod na, gilauman nga ang BPSI mahimong sentro sa kahusayan bahin sa edukasyon ug pagbansay sa teknikal-bokasyonal. Magtugot kini nga mapadaghan ang mga kurso nga itanyag, mapalambo ang panukiduki ug bag-ong mga ideya, ug mapalig-on ang panag-uban sa mga negosyo ug industriya.<\/p>\n\n\n\n
Mahimo usab kini nga dalan alang sa tinakdoan nga pag-eskwela (ladderized education), diin ang mga estudyante makahimo nga mopadayon gikan sa yanong kurso ngadto sa mas taas nga lebel ug mga programa nga adunay diploma, samtang nagpabilin sulod sa sistema ug pagdumala sa TESDA.<\/p>\n\n\n\n
Ang gisugyot nga institusyon giisip nga ikaduha lamang nga matang niini sa tibuok nasod. Tumong niini nga mahimong hapsay ug hiniusa ang sistema sa pagbansay taliwala sa lima ka kampus.<\/p>\n\n\n\n
Gilauman nga ang matag kampus adunay kaugalingong espesyalidad ug kalig-on aron dili magkasama o magdoble ang mga kurso nga itanyag, ug aron matubag gyud ang panginahanglan sa mga lokal nga industriya.<\/p>\n\n\n\n
Atol sa miting, giaprubahan ug gisagop usab sa komite ang 2026 Work Plan sa TESDA Bohol. Apil dinhi ang pagpatuman sa Unified TVET Program Registration and Accreditation System, mga lakang sa pagtimbang-timbang ug paghatag og sertipiko sa kahanas, ug nagkalain-laing mga programa sa eskolarship nga gidesinyo aron mas andam ang mga trabahante.<\/p>\n\n\n\n
Giaprubahan usab sa mga miyembro ang padayon nga pagpatuman sa Enterprise-Based Education and Training (EBET) Program, nga karon gipatuman na sa tibuok probinsya aron masiguro nga ang mga kurso ug pagbansay haom ug nahiuyon sa tinuod nga gipangayo sa mga industriya.<\/p>\n\n\n\n
Gihisgutan usab ang pagpadayon sa Community-Based Training Program nga gipondohan sa gobyerno sa probinsya. Karon, aduna na kini gahin nga P1.8 milyones alang sa tuig 2026, ug gisugyotan nga dugangan pa ngadto sa P2 milyones alang sa sunod nga tuig \u2014 nga nagpaabot na lamang sa pagtugot sa Sangguniang Panlalawigan.<\/p>\n\n\n\n
Ang maong programa nagtutok sa mubo nga mga kurso sa pagkat-on og kahanas para sa mga benepisyaryo gikan sa 24 ka labing kabus nga barangay sa probinsya, apil na ang mga tawo nga gihikawan sa kagawasan ug mga kababayen-an.<\/p>\n\n\n\n
Lakip sa mga kurso nga itanyag mao ang pagproseso sa isda aron mas mapuslanon kini, pagmasahe, pagkuhag bukog sa bangus, ug paghimo og mga gamit gikan sa kabibe. Ang mga tigbansay gikan sa mga sentro sa Jagna, Bilar, ug Tubigon ang magdumala sa pagtudlo, sa panag-uban sa mga lokal nga kagamhanan.<\/p>\n\n\n\n
Mitambong usab sa maong miting si TESDA Provincial Director Floro Ringca, ang TESDA-Pilar Center Administrator nga si Homer Lendie Magante, ang PTC-Jagna Center Administrator nga si Apolinar Cadeli\u00f1a, ang PTC-Bilar Center Administrator nga si Rochelle Delos Reyes, ang PTC-Inabanga Center Administrator nga si Jamniel Damolo, ang PTC-Tubigon Center Administrator nga si Mary Anne Zabate, ug uban pang mga kaabag gikan sa sektor sa teknikal-bokasyonal nga edukasyon.<\/p>\n\n\n\n
Kini nga mga inisyatiba nga gihisgutan atol sa miting nagpakita sa padayon nga paningkamot sa gobyerno sa probinsya nga mapalig-on ang kalamboan sa mga trabahante, mapauswag ang kahigayonan nga makatrabaho, ug maghatag og patas nga higayon sa pagkat-on \u2014 nga dako og tabang aron maminusan ang kawad-on ug madasig ang malungtarong pagtubo sa ekonomiya sa Bohol isip usa ka UNESCO Global Geopark.<\/p>\n\n\n\n
Kini nga kalihokan dugang nga nagsuporta sa Strategic Change Agenda sa Kapitolyo, ilabi na sa bahin nga nagtutok sa Social Equity and Human Development \u2014 pinaagi sa pagpalapad sa kahigayonan sa edukasyon, paglambo sa kahanas, ug paghatag og pamaagi nga panginabuhian sa matag Bol-anon. (RTB)<\/p>\n","protected":false},"excerpt":{"rendered":"
ANG Provincial Technical Education and Skills Development Committee (PTESDC) milihok na aron sa pagtukod sa gisugyot nga Bohol Polytechnic State Institute (BPSI) \u2014 usa ka dakong lakang nga gitinguha nga makapalig-on sa edukasyon ug pagbansay sa teknikal-bokasyonal sa probinsya, ug maghatag og mas daghang dalan alang sa mga Bol-anon nga<\/p>\n","protected":false},"author":2,"featured_media":8450,"comment_status":"closed","ping_status":"closed","sticky":false,"template":"","format":"standard","meta":{"om_disable_all_campaigns":false,"footnotes":""},"categories":[8,7,18],"tags":[],"class_list":["post-18890","post","type-post","status-publish","format-standard","has-post-thumbnail","hentry","category-balitang-bol-anon","category-news","category-this-week-balitang-bol-anon",""],"yoast_head":"\n