OPISYAL nang gi-aprobahan sa ikatulo ug katapusang pagbasa sa Sangguniang Panlalawigan sa Bohol ang bag-ong ordinansa nga nag-usab ug nagpalig-on sa polisiya batok sa rabies nga kapin na sa 19 ka tuig ang milabay sukad katapusang giusab. Kini lakip sa mga lakang aron mas epektibong mapugngan ug mapapas ang maong sakit sa tibuok lalawigan.<\/p>\n\n\n\n
Gipasar ang Provincial Ordinance No. 05-2026 atol sa regular nga tigom sa konseho niadtong Martes, Mayo 26, ubos sa pagpangulo ni Vice-Governor Nicanor Besas. Si Senior Board Member Tita Baja mao ang nangulo sa mga tigpamaba, samtang ang maong balaod giandam ug gipasiugdahan ni Board Member Mutya Kismet Tirol.<\/p>\n\n\n\n
Usa sa pinakadako ug mahinungdanong kausaban sa maong ordinansa mao ang pagtukod sa gitawag nga \u201cBantay Rabies sa Barangay\u201d (BRB). Kini usa ka sistema nga nakabase sa komunidad ug maoy magsilbing pangunang pwersa sa pagpatuman sa mga lakang batok sa rabies diha mismo sa matag barangay. Ang katuyoan niini aron mas hugtan ang pagbantay, koordinasyon, ug saktong pagpatuman sa mga programa aron luwas ang matag lumulupyo.<\/p>\n\n\n\n
Ang maong ordinansa nahiuyon usab sa mando sa nasudnon nga balaod o ang Anti-Rabies Act of 2007, nga nagtudlo sa mga lokal nga kagamhanan nga magpadayon sa komprehensibong mga kalihokan sama sa dinaghang pagbakuna sa mga iro, pagtudlo sa responsableng pag-atiman sa mga binuhi, ug kanunay nga paghatag og impormasyon sa publiko bahin sa maong sakit.<\/p>\n\n\n\n
Ubos sa bag-ong balaod, mas hugtan ang pagdumala sa mga tag-iya sa binuhi pinaagi sa pagsiguro nga rehistrado ang ilang mga hayop, kanunay nga nabakunahan, ug giatiman sa saktong paagi. Ang grupo sa BRB maoy modumala sa pagtaho sa mga paglapas, pagmonitor sa pagsunod sa mga lagda, ug pagrekomendar sa angay nga aksyon batok sa mga dili motuman.<\/p>\n\n\n\n
Ang pagpatuman niini ipanguluhan sa Office of the Provincial Veterinarian (OPV) ug sa Office of the Provincial Agriculture (OPA). Human niini, ipadala na ang maong ordinansa ngadto sa opisina ni Governor Aris Aumentado aron pirmahan, ug sa higayon nga mahitabo kini, mahimo na kining hingpit nga balaod nga ipatuman sa tibuok probinsya sa Bohol. (RTB)<\/p>\n","protected":false},"excerpt":{"rendered":"
OPISYAL nang gi-aprobahan sa ikatulo ug katapusang pagbasa sa Sangguniang Panlalawigan sa Bohol ang bag-ong ordinansa nga nag-usab ug nagpalig-on sa polisiya batok sa rabies nga kapin na sa 19 ka tuig ang milabay sukad katapusang giusab. Kini lakip sa mga lakang aron mas epektibong mapugngan ug mapapas ang maong<\/p>\n","protected":false},"author":2,"featured_media":8450,"comment_status":"closed","ping_status":"closed","sticky":false,"template":"","format":"standard","meta":{"om_disable_all_campaigns":false,"footnotes":""},"categories":[8,7,18],"tags":[],"class_list":["post-18780","post","type-post","status-publish","format-standard","has-post-thumbnail","hentry","category-balitang-bol-anon","category-news","category-this-week-balitang-bol-anon",""],"yoast_head":"\n