HUMAN sa 27 ka sunod-sunod nga adlaw nga walay ulan, ang ahensya sa gobyerno nga nagmonitor sa panahon nagtan-aw sa posibleng pag-usab sa kahimtang sa panahon diin mahimong moabot ang El Ni\u00f1o sa tunga-tunga sa tuig 2026, nga mahimong magdala og mas uga ug mas init nga panahon sa tibuok nasod.<\/p>\n\n\n\n
Matod ni Weather Specialist I Patrick Ian Taganas Plimaco sa Philippine Atmospheric, Geophysical and Astronomical Services Administration (Pagasa), hangtod kagahapon, Abril 25, ang Pilipinas anaa pa gihapon ubos sa kahimtang nga gitawag og ENSO-neutral, nga nagpasabot nga ang El Ni\u00f1o wala pa karon nakaapekto sa klima sa nasod.<\/p>\n\n\n\n
Apan iyang gipasabot nga ang katapusang natala nga pag-ulan sa Bohol nahitabo pa niadtong Marso 27, nga nagpasabot nga miabot na og 27 ka sunod-sunod nga adlaw nga walay bisan gamay nga ulan sa maong lugar. Mahimong motungha ang El Ni\u00f1o sa tunga-tunga sa tuig.<\/p>\n\n\n\n
Bisan pa niining kasamtangang uga nga panahon, gibanabana sa Pagasa nga ang kahimtang nga ENSO-neutral magpadayon pa lagmit sa mga panahon sa Marso-Abril-Mayo (MAM) ug Mayo-Hunyo-Hulyo (MJJ) sa dili pa kini posibleng mausab.<\/p>\n\n\n\n
Matod pa ni Plimaco, adunay 79 porsyento nga kahigayunan nga motungha ang El Ni\u00f1o tali sa mga bulan sa Hunyo ug Agosto sa tuig 2026, ug mahimong magpadayon kini nga epekto hangtod sa unang bahin sa tuig 2027.<\/p>\n\n\n\n
Dugang pa niya, ang maong panghitabo mahimong mas molig-on pa sa ulahing bahin sa maong tuig, diin adunay 41 hangtod 72 porsyento nga kahigayunan nga moabot kini sa kasarangang kusog hangtod sa kusog kaayo nga lebel tali sa mga bulan sa Septiyembre ug Oktubre, ug mahimong mas molig-on pa ug moabot sa lebel nga kusog kaayo hangtod sa hilabihan ka kusog tali sa mga bulan sa Oktubre ug Disyembre.<\/p>\n\n\n\n
Ang maong panghitabo usab kasagaran magpataas sa temperatura tungod kay ang El Ni\u00f1o nalambigit sa panahon nga mas gamay kaysa sa kasagaran ang pag-ulan sa daghang bahin sa nasod, nga maghimo pa nga mas init ang panahon niining mga bulan nga kasagaran na man init na.<\/p>\n\n\n\n
\u201cAng posibleng epekto sa El Ni\u00f1o sa atong nasod mao ang pagtaas sa kahigayunan nga mas gamay kaysa sa kasagaran ang pag-ulan sa ubang mga lugar dinhi, ug nagdepende usab kini kung kanus-a kini magsugod,\u201d matod ni Plimaco.<\/p>\n\n\n\n
Apan gipasabot sa Pagasa nga ang mga epekto niini managlahi depende kung unsa kini ka kusog ug kung giunsa kini pag-uswag. Sa pipila ka mga sitwasyon, ang El Ni\u00f1o makapakusog pa gani sa habagatan-kasadpang hangin o habagat, nga makahimo gihapon og pag-ulan sa mga kasadpang bahin sa nasod.<\/p>\n\n\n\n
Gipahibalo usab sa ahensya nga maminusan ang gidaghanon sa mga bagyo nga motungha sulod sa Philippine Area of Responsibility o PAR, bisan pa man niana, ang mga bagyo nga motungha mahimong maporma pa sa mas layong bahin sa sidlakan sa dili pa kini moduol sa nasod.<\/p>\n\n\n\n
\u201cMaminusan kini. Apan dili gihapon kini hingpit nga mawala, gamay ra ang kahigayunan nga dili kini mahitabo, ug ang ilang pormasyon mobalhin pa sa mas sidlakang bahin sa atong kadagatan sulod sa PAR,\u201d dugang pa ni Plimaco. (RTB)<\/p>\n","protected":false},"excerpt":{"rendered":"
HUMAN sa 27 ka sunod-sunod nga adlaw nga walay ulan, ang ahensya sa gobyerno nga nagmonitor sa panahon nagtan-aw sa posibleng pag-usab sa kahimtang sa panahon diin mahimong moabot ang El Ni\u00f1o sa tunga-tunga sa tuig 2026, nga mahimong magdala og mas uga ug mas init nga panahon sa tibuok<\/p>\n","protected":false},"author":2,"featured_media":8450,"comment_status":"closed","ping_status":"closed","sticky":false,"template":"","format":"standard","meta":{"om_disable_all_campaigns":false,"footnotes":""},"categories":[8,7,18],"tags":[],"class_list":["post-18457","post","type-post","status-publish","format-standard","has-post-thumbnail","hentry","category-balitang-bol-anon","category-news","category-this-week-balitang-bol-anon",""],"yoast_head":"\n